موقع سفيرك ايطاليا

افتتاح موقع www.safirk.com 

بجانب حرصنا علي تطوير وتحديث خدماتنا بشكل مستمر 
تم الانتهاء بحمد الله من افتتاح موقعنا الجديد  سفيرك لتقديم الخدمات السيايحه في ايطاليا للسائحين العرب 
رابط الموقع 
www.safirk.com

نصائح وبرنامج سياحي للسائحين العرب في ايطاليا

السلام عليكم ورحمه الله يا اخواني الكرام
بمناسبه دخول فصل الصيف  
طبعا كلنا عارفين ان ايطاليا بلد الموضه ..ميلانو بالاخص لانها منشأ عباقره الموضه ومدينه التسوق الاولي في العالم 
وبناء عليه اريد ان ألفت نظر اخواني السائحين العرب عندما يأتوا ايطاليا سواء دلوقتي او في شهر مايو بخصو ال expo اللي علي وشك البدأ 

 (اول تنبيه) ..

ايطاليا بها نشالين من الغجر والرومان والاوكران ووللاسف الشديد بعض العرب
 طيب  اماكن تواجدهم أين  ؟ .. ستجدهم في محطات المترو بالاخص centrale  المحطه الرئيسيه في ميلانو لانها بتجمع بين محطه القطار ومحطه المترو الاخضر والاصفر اللى بيوصلك ل duomo 
البلد سايباهم علشان الامن الايطالي ضعيف جدا جدا علي المستوي العملي وماشيين بقانون ان السائح يحمي نفسه بنفسه من الحراميه كل اللي يقدروا يساعدوك بيه لو لا قدر الله اتسرقت عمل محضر وممكن مختصاتك ترجعلك وممكن لا بنسبه كبيره 

طيب ايه الحل ؟ الحل انك تضع قفل في حقائبك والمحفظه يا ريت تضعها في جيب الجايكت او الجيب الامامي للبنطلون تفاديا للسرقه لانهم بينصبوا عيونهم علي السياح والعواجيز عموما 

طيب خلصنا من التحذير والتنبيه ..نيجي لنقطه تانيه مهمه ودي لاحظتها لعملي مع سياح عرب كثر 
ان اغلبيه السياح العرب للاسف بيكونوا جايين بدون دراسه جيده للاماكن اللي يريدون زيارتها وتنتهي الاجازه بدون زياره اماكن مهمه جدا جدا جدا واللي هنتكلم عنها في تدوينه أخري مفصله 
مثل كومو ولوجانو وجاردا 

طيب انت وصلت ايطاليا بالسلامه الحمد لله .. طبعا محتاج تشتري خط جوال جديد ودي قائمه بشراكت الاتصال 
(wind ) (tim ) (vodafone ) (tre ) 
افضل شركه بتعمل عروض جيده هي wind and tim ومعامله الموظفين في المحلات فوق الممتازه الصراحه 

طيب اشتريت الخط الجديد وكله تمام ايه بقي اهم الاماكن اللي المفروض تزروها في ايطاليا ..هم 4 مدن علي الاقل ونبدأ بمدينه 

ميلانو واهم مكان رومانسي وساحر بجد هو i navigli وللاسف سياح عرب كتير ميعرفوش المكان ده و مش زاروه اكتب ع جوجل وشوف الصور واستمتع ...في كمان Parco Sempione وده اهم بارك في ميلانو كلها واجملهم علي الاطلاق وليه قصه تاريخيه يطول كتابتها 

وكمان Galleria Vittorio Emanuele II دي جمب ميدان الدوومو وواحده من اروع الاماكن في ميلانو 
DUOMO بها واحده من اكبر كنائس اوروبا وبها امكانيه الكثير يجهلها وهي الصعود لاخر سقف الكنيسه والتقاط صور لمدينه ميلانو بالكامل !

San Siro) موجود فيها اكبر ملاعب ايطاليا كلنا عارفينه بدون شرح كتير 

طيب نيجي بقي للتسوق مش معقول هتيجي ميلانو ومتعملش شوبنيج ودي اهم الاماكن
Via Monte Napoleone نصيحه متفكرش تشتري من الشارع ده الا وانت عارف ان معاك مبلغ كويس علشان ده اغلي شارع في ايطاليا وبتلاقي فيه دولشي ايه جابنا ,,جروج ارماني ...الخ

في شارع اقتصادي جدا وموجود فيه اشيك ملابس corso buons airs اشهر محلاته H M وديزل و تيرانوفا وألكوت و زارا الشهير ..الخ ده بقي اكبر شارع تجاري في ميلانو ممتد من دوومو الي لورتو ...
في شارع تالت مهم واسعاره متفاوته بين الغالي للوسط اسمه via torino مشهور جدا وبعيدي فيه كذا ترام وموجود هناك توكيل اديداس ونايك ...الخ 

وهذه هو الباص السياحي اللي بيلف بيك المدينه والاماكن السيايحه الجميله في ميلانو 

طيب انتهينا من النشالين والشوبنج وخط الموبايل وزياره اهم الاماكن السيايحه في المدينه 
ننتقل لروما 
أهم المعالم السياحية لمدينة روما والتى تتضمن زيارة الميادين العامة ونافورة تريفى الشهيرة Trevi Fountain ، لازم كمان مننساش المعبد الإمبراطورى القديم وميدان نافونا Piazza Navona الذى يعد واحد من أجمل ميادين مدينة روما وده تم تصميمية على الطراز المعمارى الباروكى ، فى هذا الميدان هتشوف نافورة الأنهار الأربعة الشهيرة Fountain the Four River ، بالإضافة لزيارة الحصن البابوى ancient Papal Fortress ومبنى سانت بيتر الرومانى St. Peter's Basilica . ودي اعتقد اهم الاماكن السياحيه في المدينه القديمه 

 

نيجي بقي ل VENEZIA المدينه العائمه زي ما بيسموها الطليان 
تاخد لفه في الصباح علي الاقل ساعتين تستكشف خلالها النصب التذكاريه وتزور ميدان San Marco square وجسر ريالتو the Rialto bridge 
هناك هتسمع كتير عن
الاسطوره ماركو بولو Marco Polo رحال وتاجر ومكتشف فينيسا اثناء عمله مع والده كتاجر بحري بين الشرق الاوسط والبندقيه 
اهم حاجه القيام بجولة لزيارة مدينة فينيسيا بواسطة أحد الزوراق السريعة او البطئيه هنا هتكون قمه الاستمتاع باروع المناظر منازل وبيوت في الماء مش هتكلم كتير عنها لاني هحتاج يوم لوصف المتعه في المركب ومعاك الكاميرا بقي وعيش وخد صور تذكاريه ليك ولاسرتك انت وبتوشف قنوات مائيه كبيره وصغيره وتشاهد الجسور النصف دائريه والمعالم الشهيره ...
زياره 
برج بيزا المائل Torre pendente di Pisa ده برج جرس كاتدرائية مدينة بيزا الإيطالية ، مقاطعه توسكانا الشهيره كان من المفترض ان يكون البرج عمودي ولكنه بدأ بالميلان بعد البد ببناءه في 1173م بفتره قليله يقع بجانب كاتدرائية بيزا "ساحة المعجزات" piazza dei Miracoli.

كمان وده من اهم الاماكن اللى السياح علي مستوي العالم بيأتوا اليه مخصوص 
فيرونا VERONA ... المدينه اللتي شهدت ملحمه وواحده من اعظم قصص الحب في التاريخ ويوجد بها 
قصر روميو وجولييت والقصه الشهيره عندما اختبئ روميو هاربا الي احد الاديره خوفا من انتقام عائله حبيبته جولييت قائلا في ارثائها 
«خارج أسوار فيرونا، لا يوجد عالم، لا يوجد سوى المطهر والألم والجحيم. أن تكون منفياً عن فيرونا، يعني أنك منفي عن العالم، والمنفى عنها يعني الموت» 

أتمني ان الموضوع يكون عجبكم واكون قدرت أفيدكم لو بمعلومه بسيطه ولو ناويين تزورا ايطاليا عن قريب